Matupi khua laak kahdohnak ah Rakhine hriamtlai AA le Chin Brotherhood nih meithal zun 400 dengmang le zenkuan tampi an laak, tiah theih a si.
Meithal zun 400 dengmang le zenkuan tampi an laak pin ah vanlawng kahnak meithal zun 2 le Ha-wai-zar miakpi 2 tel in a dang hriamnam tampi an laak chap.
June 9 ah khan AA hruainak in Chin Brotherhood nih Matupi khualaak kahdohnak a rak thawk i June 29 ah Matupi SAC ralkap sakhaan pawl an laak khawh dih.
Matupi khua laak kahdohnak ah AA hruaimi hriamtlai phu le Chinland Council ralkap bu karlak ah kahdohnak zong a chuak i, kap hnih in a thi mi le hliamhma a pumi zong an um hna.
Matupi ah a cangmi kahdohnak ah hin AA hruaimi hriamtlai bu lei ah CNDF, PDF-Zoland, CDF-Mindat, CDF-Kanpetlet, MDF, CDF-Matupi Brigade (1), Yaw Army le Yaw Defense Force hna an i tel, tiah theih a si.
