Matupi khua laak kahdohnak lio ah a tlaumi Paletwa pastor pa i a fale pahnih cu atu tiang an thawngpang theih a si lo, tiah thawng kan theih.
Paletwa pastor pa le a chungkhar hi Paletwa peng in Yangon lei ah kal an i thawh i, June 29 ah a cangmi Matupi khua laak kahdohnak lio ah khan Matupi ah an chikhat an caam lio a si.
Kahdohnak a chuah caah aa ṭhenṭhek in an zaam hna i, pastor pa a nupi le a dang a fale pahnih cu an hmuh ṭhan nain kum 18 a simi a fapa le kum 17 a simi a fanu tu hi atu tiang an umnak theih a si lo.
Matupi, Mindat le Kanpetlet peng chung khua pakhatkhat a hmutu nan um ah siseh, hriamtlai bu pakhatkhat nih nan zohkhenh chung hna ah siseh, hi Phone Number (01162266205) ah hin pehtlaihnak tuah ding in chungkhar nih bamwh halnak an tuah.
