Mandalay ramthen, Matayar peng ah council ralhraang motor 3 bomb an puah hna i ralhraang le Pyo Saw Htee 20 an thi tiah Natsoe phu in nawl ngeitu pakhat nih a chim.
November 16 zing suimilaam 3:15, Matayar peng Man Kyee Kone le Taungkan khua kar ah Pyo Saw Htee le council ralhraang 90 hrawng nih zulh mi motor 3 cu Natsoe phu tel in tualchung PDF hna nih bomb an puah hna i 20 an thi tiah kan theih.
“Matayar peng Man Kyee Kone le Taungkan khua kar ah bomb in kan puah hna. Ralhraang 90 hrawng nih zulh mi motor 3 cu bomb in voi 8 kan puah hna. Pyo Saw Htee 5 tel in 20 an thi. Motor pakhat cu leikuang chung ah a tla i pakhat cu thingkung aa pah. Zinglei lawng ah motor in ruak an rak lak hna. A rawk mi motor pawl zong cu an rak hnuh hna. Motor pakhat cu bomb kan puah hna khan a zaam. Zingka lawng ah an rak ra,” tiah Nat Soe phu in Bo Nat Soe nih a chim.
Cu kahdohnak cu Nat Soe phu le Taih Tin phu nih an tuah mi a si.
Source: Khit Thit Media
