SAC nih tuah a timhmi thimnak ca ah tiin innchungkhar cazin laaknak ah aa telmi pohpoh cu faak piin dan kan in tat hna lai, tiah CDF-Mara le CDF-Hualngoram nih ralrin peknak ca an chuah.
October 1 ah SAC nih Myanmar ram huap in innchungkhar cazin laaknak a thawk i, Tedim, Falam le Hakha sang cheukhat zong ah mincazin laaknak an tuah, tiah theih a si.
Hualngoram ah chungkhar mincazin a lami poh cu faak piin dan an si lai, tiah October 1 ah CDF-Hualngoram nih theihternak a tuah bang in Mararam zong ah SAC hruainak in chungkhar mincazin a lami pohpoh cu kah nan si lai tiah, CDF-Mara nih October 2 ah a thanh ve.
PDF-Zoland le CDF-Hakha zong nih Tedim le Hakha ah SAC tuahmi chungkhar mincazin laaknak ah aa telmi pohpoh cu dantat nan si lai, tiah thawng an rak thanh.
