Chinland Cozah he pehtlaihnak a ngei lomi hriamtlai bu le a dangdang bu vialte Mararam in chuah ding in CDF-Mara nih nizaan September 17 ah theihternak ca a chuah, tiah thawng kan theih.
“Mararam humhimnak, mizapi nunhimnak le khuasak tuntuknak a fawi deuh nakhnga Chinland Cozah he pehtlaihnak a ngei lomi hriamtlai bu hna le a dangdang bu hna nih Mara ramchung ah hmunkhuarnak le hriamnam i ken in vahvaihnak tuah lo ding,” tiah CDF-Mara nih a langhter.
Mararam ah hmunram thianhhlimhnak le runvennak tuah ding in CDF-Mara ralkap pawl nih rian an domh cang lai caah a dang hriamtlai vialte Mararam in chuah dih ding in CDF-Mara nih theihternak zong a tuah.
Nawl chuahmi a zul lomi pohpoh cu a herh ning in CDF-Mara nih lehrulnak a tuah lai, tiah ralrin peknak bia zong CDF-Mara nih a ṭial chih.