Mararam chung mizapi nih zulh ding in phung kong he pehtlai in Mararam Territorial Council-MTC nih October 21 ah theihternak ca a chuah, tiah thawng kan theih.
MTC nih ca a chuahmi ah Mararam chung ah biaknak puai, zatlang puai le a dangdang mibu i pumh in tuahmi puai tuah duh tik ah mizapi ukhruaitu bu sin ah nawl honhnak hal hmasa a herh, tiah an ṭial.
Cu lawng si loin, acozah he pehtlaihnak a ngei lomi NGO le INGO hna nih Mararam chung ah rianṭuan an duh ahcun atu kum November 15 hlan ah ukhruaitu bu hna sin ah thawngthanh ding in zong in MTC nih theihternak a tuah.
Mararam chung ah rianṭuan aa timmi NGO le INGO hna nih zei bantuk rian dah an ṭuan lai, rianṭuan caan zei tluk a ruah lai, ahodah ṭuanvo ngeitu a si lai, tangka zeizah dah an hman lai timi le bawmtu ahote dah an si tibantuk pawl zong ahlanken in theihternak nan tuah dih lai, tiah MTC nih a langhter.
