Shan ramkulh Chaklei, Mantong peng ah a um mi Hkomone SAC ralkap camp laak kahdohnak ah TNLA nih raal hriamnam le kuanzen tampi kan laak tiah nihin December 9 ah an thanh.
Hkomone SAC ralhraang camp cu December 7, zanlei suimilaam 4:30 ah Ta’ang ralkap PSLF/TNLA nih an laak. Cu camp laak kahdohnak ah cun 60MM miakpi, pistol zun khat, meithal zun 5 tel in bombthei le zenthong tampi an laak khawh tiah theih a si.
“Operation 1027” thawk ka October 27 in December 8 tiang, Ta’ang ram chungah SAC ralkap camp 53 kan laak khawh cang tiah TNLA nih a thanh.
