Mandalay – Mokok motor lam hip khawh nakding ah a biapi mi Mandalay ram ṭhen, Singu peng chung SAC ralkap camp paruk cu Mandalay PDF (MDY-PDF) nih kan laak khawh hna tiah July 3 ah an thanh.
Kahdohnak chung ah SAC ralkap hriamnam zun 40 leng an laak bantuk in, raal 13 zong a nung in an tlaih hna.
Cu kahdohnak ah cun Mandalay PDF he i bawm in Singu PDF zong an i tel ve tiah an chim.
Mandalay PDF nih Singu peng lawng ah si lo in Mandalay ramthen, Madaya peng chung ah SAC ralkap camp pariat an rak laak cang i, SAC ralkap 64 a nung in kan tlaih hna tiah July 2 ah an rak thanh cang.
June 25 thawk in “Operation 1027” an peh ṭhan i Shan ramkulh Chaklei Tibaw, Kyaukme, Naungcho, Lashio khua hna le Madalay ramṭhen chung Madaya, Singu le Mokok khua hna cu dohthlengtu ralkap bu hna nih an doh cuahmah hna tiah theih a si.
Photo: MDY-PDF
