NUG runvennak zung tang ah a um mi Mandalay-PDF nih Mandalay ramthen, Madaya peng chung ah SAC ralkap khaan 8 an laak i, SAC ralkap 64 zong an nung in an tlaih hna, tiah theih a si.
Sakhaan an laak mi hna lak ah Madaya peng SAC ralkap van ralvennak Inkyinmaing sakhaan, Saydaw ralkap sakhaan, Panthalaytaung ralkap sakhaan le Yesutaung ralkap sakhaan pawl hi an i tel.
Sakhaan pariat an laaknak ah hriamnam phuntling 125 an laak i, SAC ralkap 64 zong an nung in tlaih an si, tiah nihin July 2 ah Mandalay-PDF nih theihternak a tuah.
SAC ralkap sakhaan ah a um ve mi ralkap chungkhar nu, kum upa le ngakchia pawl, an zapi ah 117 zong ṭhe te in kan zohkhenh hna, tiah an langhter.
Naungcho, Kyaukme le Moekok peng ah a um mi SAC ralkap sakhaan pawl zong pehtlai in kan doh cuahmah, tiah Mandalay-PDF nih theihternak ca a chuah.
