Nihin October 6, zinglei suimilaam 4:00 hrawng ah Mandalay khua, mi chawklet an tamnak hmun Pyigyitagon peng, lam 72, Lam 118 le Lam 119 kar ah a um mi inn sii dawr cu damiah nih an luhhnawh hna i nu pahnih zong an thah hna tiah khuami nih an chim.
“Inn ngeitu nu pahnih hna cu an thah hna i sui le ngun thilri zong an lak chih” tiah khuami pakhat nih a chim.
Mandalay khua chung lamcung ah thil chuhnak, damiah, i thahnak le inn chung tang thil firnak tepawl ni chiar ngawt in a um tiah tualchung mi nih an chim.
