Nihin September 26 zinglei ah Malaysia ram, Kuala Lumpur khua i UNHCR zung hmaika Chinmi pawl nih duhnak langhternak a tuah, tiah thawng kan theih.
Malaysia ah a phanmi ralzaam hna ca ah ralzaam card chuahpiak ding, ralzaam community le UN karlak pehtlaih rianṭuannak a khul a ran deuh nakhnga, ralzaam covo tlamtling in hmuh a si nakhnga le CDM tuah ruang ah Malaysia ah a rak zaam hna khuasaknak ca ah ruahpiak ding tibantuk pawl an duhnak an langhter, tiah theih a si.
Hi UNHCR zung hmai duhnak langhternak hi ACR tel in Malaysia ram ah a ummi Chin zatlangbu hna hruainak in tuahmi a si, tiah thawng kan theih.
