Malaysia le Mizoram in siseh, hmun dangdang in Chinram kir a duh mi cazin a fian rih lo ca ah hmun an samhpiak rih hna lo, tiah June 20 ah kan theih.
“Chinram ah kir a duh mi hna ca ah hmunhma kan samhpiak ko hna lai nain nihin tiang milu cazin zat a fian rih lo ca ah a fian tik ah kan samhpiak te hna lai. Hmun kaupi a um ko. CCU thlang hrawng le Dillo Sang hrawng ah hmun tampi a um ko ca ah an rak kir ko ahcun Sang pakhat bantuk in kan samhpiak ko hna lai,” tiah Chin Ramkulh Hluttaw Chairman Pu Zo Bawi nih The Hakha Post ah a chim.
Hakha khua ah Sangthar samh mi cheukhat cu tangka Ks. 500,000 an pek lo ruang ah chuh than ding tibantuk thawngpang a leeng i nihin tiang Sangthar kong ah buaibainak a um peng rih, tiah kan theih.
