Malaysia ram, Phang ramkulh, Raub peng, Ulu Gali ah Chin miphun pa pakhat cu motorcycle in a kal lio ah motor he hmaitonh in an i pah i a nunnak a liam tiah K’Cho Ethnic Association, Malaysia sin in theih a si.
Zahan February 22, zaan sml. 8:00 ah a cang mi a si i, a thi mi cu Mindat peng, Ngashaung khuami Pu Gei Khui Shing (Kum 35) a si tiah theih a si.
“Malaysia, Raub lei ah lo rian tuan aa hlawh mi Chin miphun tampi an um. Duhherh zalh ah motorcycle in an tlungkal tawn. A thi mi ruak cu Raub Sii-inn ah a um rih ko. Thil a can sual ning he pehtlai in fiang in kan thei kho rih lo,” tiah K’Cho Ethnic Association, Malaysia in tuanvo ngeitu nih Zalen ah a chim.
January 26 lio zong ah Malaysia ram, Pahang ramkulh ah vawlei a rak cim i Mindat peng in Chin miphun panga an nunnak a rak liam cang.
