Malaysia ram, Kuala Lumpur ah Chinmi minung 20 tel in ramdangmi 71 cu November 6 ah an tliah hna, tiah Malaysia Immigration zung nih theihternak a tuah.
Jalan Changkat Bukit Bintang ah a ummi inn pakhat cu Malaysia Immigration zung ṭuanvo ngeitu hna nih November 6 chun sml. 12:00 hrawng ah an luh hnawh i minung 71 an tlaih hna hi a si.
Immigration zung ṭuanvo ngeitu pakhat nih, “Hi inn hi a thurhnawm ngai, pipe in ti zong an zut i a rim zong a chia ngai. Minung umnak ca ah a ṭha lo ngai cang,” tiah a chim.
Tlaih a tongmi ramdangmi 71 lak ah pa 56 le nu 12 an i tel. Bangladesh, Myanmar, Nepal, Indonesia le Thailand rammi pawl an umnak a si i, hi chung ah hin Chinmi 20 tel in Myanmar rammi 30 an i tel, tiah theih a si.
