October 16 lio ah Malaysia ram dum pakhat ah Chin pa Salai Hung Shing Phe a rak sehtu cakei cu a nung in an tlaih khawh cang tiah Malaysia media nih an langhter.
Cu cakei cu saram runvennak lei ṭuanvo ngeitu hna nih rap an chiah hnawh i nihin October 19 zinglei ah an tlaih khawh tiah theih a si.
Malaysia ram, Kelantan ramkulh, Jeli district chung dum pakhat ah Salai Hung Shing Phe (Kum 28) cu cakei nih a rak rawt i a thaizing October 17 ah a ruak in an rak char.
Cu cakei nih cun Gerik khua ah minung pakhat zong a rak seh bal cang i, Chin pa tel in minung pahnih a seh i a ei cang mi a si tiah theih a si.
