Malaysia ram, Kelantan ramkulh, Jeli district chung ah cakei nih a sehmi Chin pa Salai Shing Hung Phe (kum 28) cu nihin zinglei ah a ruak in an hmuh, tiah theih a si.
Nizaan October 16, zaan sml. 8:15 hrawng ah Salai Shing Hung Phe cu cakei nih a tlikpi i, nihin October 17 zinglei sml. 9:00 hrawng ah meng khat hrawng a hlatnak hmun ah a ruak cu an hmuh.
Cakei nih a kehlei ke tan lak in a rak seh i cu a tanmi a ke cu cakei nih cun a rak ei bang.
Salai Shing Hung Phe hi Mindat peng, Sundawng khuami a si i, Malaysia ah a umnak kum 10 leng an si cang, tiah kan theih.
