Major rank ralbawi tel in SAC ralkap le palek fonh 53 nih TNLA sin ah hriam an chiah tiah theih a si.
Shan ramkulh Chaklei, Naungcho, Kyaukme, Thibaw, Mokok, Moemeik peng hna ah Operation 1027 a peh cu June 25 in an thawk i June 29 tiang, ni nga chung ah SAC ralkap major rank tel in 53 nih hriam chiah in an i ap tiah TNLA nih a thanh.
SAC ralkap major rank pakhat, captain pali, palek bohnih pakhat, senthum rank paruk, palek sen khat (PK) pakhat, senhnih 11, senkhat pakua, sen ngei lo palek pakhat le ralkap 19, an dihlak 53 nih TNLA sin ah hriam chiah in an i ap tiah theih a si.
June 26 zong ah Naungcho peng, Kantkaw SAC ralkap sakhan le a dang sakhan in hriamnam zun 50 leng an laak i ralkap 17 nih hriam an chiah tiah kan theih.
Photo: TNLA
