Magwe ramṭhen, Myaing peng le Poh peng ramri ah a um mi khuate pawl ah SAC ralkap nih vanlawng in bomb a thlak caah tualchungmi 12 an thi i, minung tampi hliamhma an pu tiah theih a si.
Nihin March 3 zinglei sml. 1:00 le sml. 2:00 karlak hrawng ah Myaing peng chung i khuate paruk le Poh peng chung i khuate pahnih ah Y12 vanlawng le Fighter Jet in SAC nih bomb a thlak hi a si.
SAC nih bomb a thlaknak khuate pawl hi zinan a chuahnak hmun pawl an si tiah PDF ralkap pakhat nih Khit Thit Media ah a chim.
“A thi mi minung 12 tiang kan fehter khawh. Khuate ah bomb a thlak kan ti nain abikin zinan khor a umnak pawl aa sel deuh in kan ruah. Hliamhma a pu mi an tam kho men, kan hlat lio a si,” tiah a chim .
