Magwe ramṭhen, Salin peng ah SAC ralkap Fighter Jet pakhat a tla i vanlawng mawngtu belte cu parachute in a zuang kho, tiah theih a si.
Nihin February 29, chun hrawng ah khan Salin peng, Kyuwan khuate nitlaklei kap ah SAC ralkap vanlawng a tlak hi a si.
Tualchungmi pakhat nih, “Nihin chun sml. 12:45 hrawng ah a tla. Kyuwan nitlaklei ah a vung tla i atu hi ralkap helicopter an rak zuang len. Palik zong an ra cang. Vanlawng mongtu hi pakhat lawng a si,” tiah a chim.
Hi SAC ralkap vanlawng hi Magwe in a rak i thawh mi a si, tiah SAC ralkap thawngpetu i cherhchan in Khit Thit Media nih a langhter.
