2023 April 19 ah Gangaw in Hakha lei a kai mi SAC Tatmah-77 kuttang ralhraang hna le CNA/CDF karlak kahdohnak ah a nunnak a liam mi CNA ralkap Salai Hrang Lian Thang le ralkap Salai Aa Cung hna cu ni li a rauh hnu ah an ruak hmuh an si i cuka hmun ah cun an ruak thlahnak an tuah tiah kan theih.
Ram le miphun ca nunnak a pe mi pasal tha hna ruak cung ah SAC ralhrang pawl nih bomb rap an rak chiah ca ah ruak a la tu CNA ralkap pakhat zong bomb nih a puah hnawh i sii-inn ah an kalpi tiah thawng hram nih a chim.
Atu Gangaw in a rak kai mi ralhraang hna hi Tinam le Lamtuk kar hrawng ah umhmun khuar le camp chiah ding in a rak kai mi an si theo lai tiah mi tam u nih zumh a si ti zong a chimchap.
