Mizoram, Lawngtlai, Saiha le Lunglei nih June thla zarh donghlei thawk in Myanmar ram lei ah datsi phorh an phih, tiah theih a si.
Lawngtlai Lai mino bu CYLA nih Rakhine hriamtlai AA sin ah datsi le eidin tirawl phakter lo ding in June 24 thawk khan phihkhamnak a tuah i, cu hnu cun Lunglei le Saiha zong nih phihkhamnak an tuah ve hi a si.
Lunglei District chung ah datsi le petrol phawtzamhnak lei tuanvo ngeitu Office of the District Civil Supply nih June 25 thawk in Myanmar ram lei ah datsi le petrol luhpi phih hram a thawk.
Cun, June 28 ah Office of Deputry Commissioner, Saiha nih Myanmar ram lei petrol luhpi an phihnak kong thawngthanhnak an tuah ve, tiah theih a si.
