Chin ralzaam tampi an i dornak Mizoram, Lawngtlai khua ah a kum 76nak Chin Miphun Ni cu sunglawi ngai in an tuah, tiah kan theih.
Lawngtlai Chin Miphun Ni ah Dr. Hlah Aung nih biatawi chimnak a ngeih i, Germany lei in Mr. Andreas Reppich le Mrs. Krista Reppich, MCCUSA in Dr. Aung Naing nih khuallian in an telpi hna.
Lawngtlai ah tuah mi Chin Miphun Ni ah Chin miphun laam, hlasaknak le zaangleknak phunphun in caan an hman.
Myanmar ram buainak a chuah hnu in Lawngtlai District chung ah hin Chin ralzam 7,000 hrawng an i dor, tiah theih a si.
