Shan ramkulh, Lashio lei ah bawmh ding in a kalmi SAC ralkap mawtaw tlar cu MNDAA le BPLA nih lampi ah an kah i mawtaw an khangh dih pin ah ralkap 30 leng an thi, taih theih a si.
Nizaan July 30 ah Tangyan khua in Lashio lei ah a kalmi SAC ralkap mawtaw pariat cu zinglei sml. 3:00 hrawng ah MNDAA le BPLA nih Manpan khuate pawng ah an kah i SAC ralkap mawtaw dihlak in an khanghpiak khawh hna hi a si.
Thawngpang hram minung pakhat nih, “Tangyan in Lashio lei ah a kalmi SAC ralkap mawtaw paw cu MNDAA le BPLA nih lampi ah an phomh hna. SAC ralkap 30 leng an thi i, 50 leng hliamhma an pu. Mawtaw pariat ning in an rawk dih,” tiah People’s Spring ah a chim.
Hi SAC ralkap mawtaw pariat hi Wa hriamtlai UWSA nih an control mi Tangyan khua in a rak rami an si, tiah thawngpang hram nih a chim.
Lashio khua hmun tam deuh cu MNDAA nih an laak cang nain khuachung ah SAC ralkap pawl an taan rih caah nihin July 31 tiang zong ah pehtlai in kahdohnak a um, tiah theih a si.
