Shan ramkulh, Lashio peng ah a um mi Minekyat SAC camp cu nizan November 24 dei lei 12:05 ah kan laak khawh tiah Ta’ang hriamtlai PSLF/TNLA nih a thanh.
Cu Minekyat SAC camp cu PSLF/TNLA nih “Operation 1027” aa thawk ka, October 27 in kah hram an rak thawk i zarh li a rauh hnu ah an laak khawh hi a si.
SAC camp laak kahdohnak ah Howitzer miakpi tel in hriamnam phun tling zun 78, zenthong tampi, raal pawl nih ruak an i vuinak hmun 50 leng le raal hriamnam tampi kan laak khawh tiah an thanh.
Minekyat SAC camp kahdohnak chung ah SAC nih Jet Fighter in voi 95 a kah hna. Y8/Y12 in voi 12, Mi-35 in voi 15, Mi-17 in voi 15 nak tlawm lo a kah hna ti zong an langhter.
Hmanthlak: PSLF/TNLA
