Shan ramkulh Chaklei, Lashio peng, Maingkyet SAC ralhraang Camp ca ah SAC nih vanlawng in a thlak (Chanh) mi hriamnam le kuanzen kuang panga cu Ta’ang hriamtlai PSLF/TNLA nih an i laak khawh tiah theih a si.
Operation 1027 cawlcanghnak in, Namkham le Manweinggyi kar Shweli hlei ah a um mi SAC camp cu nihin zinglei ah TNLA nih an kah i an laak. Cu kahdohnak ah cun SAC ralhraang hriamnam kuanzen tampi le thilri tampi an laak khawh.
Cun, Momeik peng ah a um mi Khunkha SAC ralkap camp zong nihin November 3, zinglei ah TNLA nih an laak i, raal hriamnam hna le riahcaw tampi zong an laak tiah theih a si.
Cu bantuk thiamthiam in Manton khua ah a um mi SAC le Pyithusit fonh camp cu PSLF/TNLA nih tu zing ah an laak khawh. Manton khua Palek Sakhan zong an laak tiah theih a si.
Hmanthlak: TNLA nih an laak mi raal hriamnam kuang nga.
