Shanram chaklei, Lashio khua i ralkap sizung ah ralkap hliamhma a pumi le an chungkhar minung 470 cu SAC nih an kaltak hna, tiah theih a si.
“Ralkap sizung kan luh hnawh lio ah hin meithal aa tlaihmi ralkap le an bawile pawl ahohmanh an um ti lo. Hliamhma a pumi le an chungkhar pawl lawng an rak um. Aluancia ni tlawmpal ah khan an rak zaamtak cang hna,” tiah MNDAA nih nihin August 3 ah theihternak a tuah.
SAC nih an kaltakmi hna lak ah hliamhma a faakmi, a taitang a thimi le nu le ngakchia tampi an i tel i, MNDAA nih ṭha tein an zohkhenh hna.
Lashio khua ah hram a bunhmi Myanmar ram nichuah-chaklei SAC Command Center pi cu nihin August 3 chun sml. 12:30 ah an laak khawh cang, tiah theih a si.
