Thantlang khuachung i hmun rem ngaingai ah a ummi SAC ralkap hmunkhuarnak Lai Villa Guest House cu nihin September 17 zaanlei ah Chinland Cozah ralkap nih an laak khawh cang, tiah theih a si.
Nizaan September 16 ah khan Lai Villa ah hmun a khuarmi SAC ralkap le palek chung in palek pathum cu hriamnam he Chinland Cozah ralkap sin ah an zaam i, nihin September 17 zaanlei sml. 4:00 tluk ah Lai Villa cu Chinland Cozah nih tlamtling in an laak.
Lai Villa laak kahdohnak ah Chinland Cozah ralkap lei an him dih i, Lai Villa ah hmun a khuarmi SAC ralkap pawl zong an rak zaam dih, tiah theih a si.
July 22 in an rak thawkmi Tilim Operation cu atu ah cun thla hnih dengmang a rau cang i, Chinland Cozah ralkap nih Hakha-Thantlang karlak i lungkhar sakhaan le Auto sakhaan pawl an laak khawh cang pin ah Thantlang khua i SAC ralkap sakhaanpi (Kha La Ya 269) zong an rak laak khawh.
