Thlanglei laitlang Kanpetlet, ihkhun 25 tlum Sii-innpi cu ihkhun 50 tlum in a thar an sak cuahmah tiah kan theih.
Hi kong he pehtlai in Kanpetlet Sii-innpi lutlai Dr. Pawng Sein Lian nih, “Ahlan ahhin ihkhun 25 tlum lawng a rak si. 2018 kum August thla in ihkhun 50 tlum Sii-innpi ah an kan thlenpiak. Asinain a inn tu hi tangka fang a um lo ca ah sa kho loin kan rak um. Atu ah Cozah lei nih 2018-2019 tangka kum in budget a tla mi kyat Million 200, 2019-2020 tangka kum budget a tla mi kyat Million 471.22 dihlak fonh kyat Million 671.22 dih in kan sak cuahmah a si. Cun, hi Sii-innpi ah a rak i zohkhen mi a rak i thlopbul mi poh man fawi deuh in kan tuah piak hna lai,” tiah The Hakha Post ah a chim.
Kanpelet Sii-inn pi a thar hi RC Inn dot 2 a si i, a vang pe 150, atung pe 62 in an sak lai. Hlainak inn (Operation) aa tel lai. Asia Golden Badge co.ltd nih an sak i zatuak 30% an lim cang. 2020 August thla ah lim ding in caan an pek hna.
Photo/Internet
