Karenni ramkulh, Kyarinn Saihkyi peng ah Kah Mah Yah – 556 battalion in kum 34 hrawng a si mi ralhraang Major Win Min Khant cu nihin zing suimilaam 9:00 hrawng ah rammi vengtu phu nih an tlaih.
Major Win Min Khant hi Kyarinn Saihkyi peng Khah Lah Yah – 32 battalion ah pehtlaihnak thilri pawl a va chanh hna lio ah KNLA le PDF phu komh hna i check gate ah an tlaih mi a si. Major Win Min Khant sin in pehtlaihnak thilri 6, MA 5 meithal pakhat, 9MM zenthong 5 le phone 2 an lak.
Major Win Min Khant cu raal tlaih mi pawl zohkhenh ning phung in kan chiah ko tiah rammi vengtu phu nih an thanh.
