Council ralhraang nih uknak an lak hnu in kumhnih chung Kachin ramkulh ah SAC ralhraang le KIA kar ah kahdohnak voi 1125 a chuak tiah KIO/KIA in Colonel Nawbu nih RFA ah a chim.
2021 chung ah kahdohnak voi 621 le 2022 chung ah kahdohnak voi 504 a chuak i cu kahdohnak chung ah kaphnih in a thi mi le hma a pu mi zat tu cu a langhter lo.
2023 chung ahhin kahdohnak a karh kho tiah Colonel Nawbu nih a chim.
“Ralhrang nih uknak a lak hnu in 2022 tiang ah kahdohnak voi 1125 a chuak. 2023 chung ah Kachin ramkulh chung kahdohnak a fak chin lai maw ti cu chim khawh a si rih lo. Kan zapi in kan theih mi cu 2023 chung ah ralhraang nih thimnak a tuah lai i NUG nih hrawhpiak ding in thawng a thanh. KIO zong nih an tuah ding mi thimnak cu hna tlak a si lo caah kahdohnak a chuak ko lai ti chim khawh a si” tiah a chim.
Ralhrang nih uknak a lak hnu in KIO le ralhraang kar ah biaruahnak a um lo bantuk in ramkheel kong i ruah ding in an kan sawm hmanh ah, a dikfel mi remdaihnak a chuak kho ding a si lo caah kan cohlang lo tiah a chim.
Ref. RFA Burmese
Hmanthlak: KIA ralkap cheukhat (Photo: Kachin Waves)
