Myanmar ram dohthlennak kum 3 chung ah CDF-KKG (Kalay-Kabaw-Gangaw) ralkap 40 leng nih ram le miphun caah an nunnak an pek, tiah theih a si.
CDF-KKG kum 3 tlin camtuak cu nizaan July 1 ah an tuah i, dohthlennak kum 3 chung ah CDF-KKG ralkap 41 nih ram le phun caah an nunnak an pek, tiah CDF-KKG Chairman nih a chim.
Kum 3 chung ah CDF-KKG ralkap 41 an thih pin ah kahdohnak ruang ah kut le ke tlamtling lo in a um mi ralkap zong tampi an um, tiah a chim chap.
CDF-KKG cu CNF/CNA tlangtlaknak tang ah um mi SAC ralkap a do cuahmah mi a si i, Kalay peng le Gangaw peng ah a um mi dohthlengtu hriamtlai bu hna he zong hmun khat ah ral a do mi a si.
