Karen ramkulh, Hpapun peng, Khaypu khua pawng ah kum 16 chung SAC ralhraang nih hmun an khuar cangnak camp cu KNU Brigade 5 nih September 7 ah an laak tiah theih a si.
KNU tangah a um mi KNLA ralkap phu komh nih Khaypu SAC camp cu September 6, zinglei suimilaam 5:30 in kah hram an thawk i zinglei suimilaam 7:20 hrawng ah an laak khawh tiah KNU nih a thanh.
KNU nih Khaypu camp an laak hnuah SAC ralhraang nih Khaypu le a pawngkam khua li cu September 6 in September 8 tiang vanlawng in voi 6 a kah hna tiah theih a si.
Hi SAC camp hi a luancia kum 2007 thawk in SAC ralhraang pawl nih umhmun an rak khuar cangnak a si tiah kan theih.
Hmanthlak: KNU Mutraw
