Karen ram, Karen National Union (KNU) Brigade-5 hmunram thlakhat chung kahdohnak ah SAC ralkap 30 ringlo an thi tiah KNU nih a thanh.
2023 October 1 in 31 tiang, KNLA hmunram chung ah KNLA ttangtti phu hna le SAC ralhraang, BGF phu komh karlak ah kahdohnak voi 87 a chuak tiah an tial.
SAC lei nih Fighter Jet le miakpi hmang in kahdohnak an tuah i cu kahdohnak pawl ah cun SAC ralhraang 31 an thi i 51 hma an pu. KNLA ralkap minung 4 nih ram le miphun ca ah an nunnak an pek i minung 6 hliam an tuar tiah an langhter.
SAC ralhraang nih October thlachung ahhin Fighter Jet in voi 2 bomb a thlak i pound 500 rit mi bomb le cluster bomb 4 a thlak. Cun seh meithal, 120mm le 60mm bomb zong in voi 20 hrawng a kah fawn hna caah tualchung mi pakhat hliam a tuar tiah KNU nih an langhter.
