Karen ramkulh, KNU brigade-5 ramri ah a um mi SAC ralhraang le BGF pawl sakhan cu kan kah i SAC ralkap ruak pakhat le meithal zun hnih kan laak tiah BPLA nih a thanh.
Tuzing suimilaam 6:00 ah KNLA, Bamar People’s Liberation Army- BPLA, PDF le Force for Federal Democracy- FFD phu komh nih KNU brigade-5 ramri chung um SAC ralhraang le BGF sakhan pakhat cu an va kah i an laak khawh mi a si.
Kahdohnak minutes tlawmpal a rauh ah ralhraang pawl nih an sakhan cu an zaam taak i suimilaam cheu a ruah ah sakhan cu an laak tiah theih a si. Cuka an i kahnak ah cun SAC ralkap ruak pakhat, meithal zun hnih le a dang thilri an laak khawh. Rammi ralkap lei in hma pu an um lo tiah theih a si.
Photo: BPLA
