KIA nih Shan ramkulh chung ah tla lak in an kah mi SAC ralkap Fighter Jet a rawk mi cu mizapi nih an zoh khawh nakhnga KIA nih nawl an honh hna, tiah theih a si.
January 16, chun sml. 12:00 hrawng ah Shan ramkulh, Kutkai peng, Namhphatkaa pawng ah KIA nih SAC raldohnak vanlawng (FTC 2000G)cu tla lak in an rak kah.
A tla mi SAC raldohnak vanlawng a khaltu minung pahnih lak ah pakhat cu a hmun ah a thi i, a dang pakhat hi a zaam kho.
SAC raldohnak vanlawng tla lak in an kahnak pawng ah a um mi Namhphatkaa SAC ralkap sakhaan zong KIA nih tlamtling te in an laak khawh cang bang in mizapi nih SAC vanlawng rawk an zoh khawh nakhnga KIA nih nawl an honh hna.
Nitin in mi tampi nih SAC vanlawng a rawk mi cu an rak zoh, tiah The Irrawaddy thawngzamhnak nih a langhter.
Photo: Irrawaddy
