Kachin ramkulh, Wine-maw peng chung ah a um mi Sadone Byohakung tel in a kiangkap SAC ralkap hmunkhuarnak pali cu KIA nih June 11 ah a laak hna, tiah theih a si.
KIA chimnak nawlngei Colonel Naw Bu nih, “Nihin ah SAC ralkap sakhaan pali kan laak i Pyituhsit pawl an umnak sakhaan fa tete zong an zaamtak hna. Cucaah, Wine-maw le Kan-paih-ti karlak hmun tam deuh cu kan control khawh cang,” tiah a chim.
Sadone khua Byohakung, Sadone le Chiphwe karlak i checkpoint, Bun-Taung sakhaan le Laphai sakhaan pawl hi KIA nih nizaan June 11 ah a laak mi hna an si.
Atu kum March 7 thawk khan Kachin ramkulh chung ah a um mi SAC ralkap sakhaan pawl cu KIA nih doh hram a thawk i June thla thawk tiang ah SAC ralkap sakhaan 100 leng a laa khawh cang, tiah theih a si.
