Nihin August 15 ah Kachin ramkulh, Hpakan khua pawng ah a ummi SAC ralkap sakhaan pahnih cu KIA nih an laak, tiah theih a si.
Nizaan August 14 thawk in khan Hpakan khua pawng i Taw-Maw le La-Maung tiah an auhmi hmun i SAC ralkap sakhaan pahnih cu KIA le PDF nih doh hram an thawk nihin August 15 ah a pahnih ning in an laak khawh.
Zinglei sml. 9:30 hrawng ah La-Maung SAC ralkap sakhaan an laak hmasa i, zaanlei sml. 5:00 dengmang ah Taw-Maw sakhaan zong an laak chap.
Kachin lei thawngpang hram minung pakhat nih, “Hi sakhaan pahnih hi Hpakan khua i SAC Byohakung a vengtun an si ca ah abaipi ngaingaimi an si,” tiah a chim.
Taw-Maw le La-Maung SAC ralkap sakhaan laak kahdohnak ah SAC ralkap 11 an nung in an tlaih hna i, hriamnam zong tampi an laak, tiah theih a si.
