Nihin October 8 zinglei ah Sagaing ramṭhen, Pinlebu khua cu KIA le PDF nih SAC ralkap kut in an laak khawh ṭhan cang, tiah theih a si.
Pinlebu khua hi November 2023 ah KIA le PDF nih an rak laak nain SAC nih thazaang tampi in an doh ṭhan caah KIA le PDF nih an rak chuahtakmi a si.
Atu kum August 15 in khan KIA le PDF nih an doh ṭhan i thla hnih dengmang a rauh hnu ah SAC ralkap kut in an laak khawh ṭhan hi a si.
SAC nih Pinlebu khua a sungh lo nakhnga Wanthu khua lei in ralkap thazaang tampi bawmtu a thlah pin ah khuachung palek sakhaan ah kahcham ṭha taktak i ser in KIA le PDF pawl an dir-onh hna i vanlawng zong nih voi tam ngai a bawmh hna.
Asinain, thla hnih dengmang a rauh hnu ah cun KIA le PDF ralkap pawl nih palek sakhaan zong cu an laak i a khua ning in an laak khawh ṭhan, tiah theih a si.
