Sagaing ramṭhen, Kathar peng, Nantthar khuate ah a um mi SAC ralkap sakhan pakhat cu KIA le PDF phu komh nih June 28 ah an laak tiah PDF hmunpi nih a thanh.
Cu SAC camp laak kahdohnak ah cun Captain rank tel in SAC ralkap 14 an thi tiah theih a si.
Rammi ralkap lei nih SAC hriamnam zun 20, drone kahnak pakhat, zenthong 8492, bomb 42, mine 15, kuan bawm 41, i chawnhnak seh 12, jammer 1, Power Station 1, lukhuh 11 le facang tun 41 an laak khawh tiah kan theih.
Kahdohnak chung ah rammi ralkap pahnih hma (Thinphaang lo) an pu tiah Runvennak Minister Zung tang ah a um mi PDF hmunpi nih nihin ah zapi sin theihternak a tuah.
Photo: MOD
