KIA le Kachin-PDF nih Kachin ramkulh chung ah a ummi Hsawlaw khua le Chipwi khua cu October 2 ah tlamtling tein an laak khawh hna, tiah theih a si.
Ocotober 1 ah Chipwi khua ah a ummi SAC ralkap sakhaanpi cu KIA le Kachin-PDF nih tlamtling tein an laak i Chipwi khua ah a ummi SAC kuttang zung pawl zong an kharpiak dih hna.
Chipwi khua an laak dih hnu October 2 ah Hsawlaw khua i SAC ralkap sakhaanpi zong KIA le Kachin-PDF nih pehtlai in an laak khawh.
Chipwi le Hsawlaw khua cu KIA le Kachin-PDF nih September 29 ah khan doh hram an thawk i ni li a rauh hnu ah SAC ralkap sakhaan 13 le khuapi pahnih an laak khawh hi a si.
Atu kum March thla thawk in KIA hruaimi mizapi ralkap bu hna nih Kachin ramkulh chung i SAC ralkap pawl doh hram an thawk hna i nihin ni tiang ah khuapi 11 le SAC ralkap sakhaan 200 dengmang an laak cang, tiah theih a si.
