Kachin ramkulh, Bamaw khua i Airport cu KIA hruai mi hriamtlai bu nih January 26 ah an laak, tiah theih a si.
Ralram thawngpang hram minung pakhat nih, “KIA hruai mi hriamtlai bu hna nih Bamaw Airport Port an control cang ti khawh a si. Asinain, atu tiang SAC nih drone le vanlawng in faak ngai in a kah rih hna,” tiah BBC sin ah a chim.
KIA chimnak nawlngei Colonel Naw Bu zong nih, “Airport ah SAC vanlawng a ṭum kho ti lo. Hmaisuang kan ralkap pawl Airport chung ah an lut kho cang. Asinian, tlamtling in control khawh a herh rih,” tiah a chim.
Bamaw khuami pawl khuachung ah um lo ding in KIA nih January 23 ah theihterna a tuah i, January 24 zinglei ah Bamaw khua i SAC hmunkhuarnak pawl cu KIA hruai mi hriamtlai bu hna nih hmun khat ah an luh hnawh hna.
SAC Tank battalion le Bamaw Airport cu KIA hruai mi mizapi ralkap bu nih an laak khawh cang i SAC raldohnak Tank (Armour Vehicle) paruk zong an laak chih, tiah theih a si.
