Khampat khua kahdohnak ah SAC ralkap 30 hrawng an thi, 18 hrawng hma an pu i pahnih a nung in an tlaih hna tiah NUG, Runvennak Minister Zung nih tu zaan ah a thanh.
2023 December 10 in 16 tiang Sagaing ramthen, Tamu peng, Khampat khua ah raal hmainor in a rak namtu SAC ralhraang pawl cu rammi rungvengtu ralkap phu komh nih an kah hna i tampi an thi tiah NUG, Runvennak Minister Zung thawngthanh ah an langhter.
Khampat khua laak than awk ah raal hmai a nor mi SAC ralhraang pawl cu 77th Division kut tang LIB-391 le IB-228 in Major Aung Soe Thu hruaimi phu an si tiah theih a si.
Cu kahdohnak cu No. 1 Regional Command hruainak in Sagaing ramthen PDF special battalion hna, pengkomh PDF battalion hna, LPDF, CNDF le RCDF nih an tuah mi a si tiah NUG, Runvennak Minister Zung nih a thanh.
Photo: MoD
