Karen ramkulh, Kyarin Seik Kyi peng ah SAC ralbawi Colonel Aung Kyaw Soe hruai mi SAC ralkap 60 hrawng nih Kayin miphun hriamtlai KNLA sin ah hriam an chaih, tiah theih a si.
Nizaan March 14 zaanlei sml. 4:20 ah Kyarin Seik Kyi peng i Ceihdung SAC ralkap sakhaan in Byohahmu Colonel Aung Kyaw Soe le ralkap 60 hrawng nih thantar raang thlir in hriam an chaih hi a si.
“Ceihdung Byuha cu nizaan sml. 4:30 ah kan laak i zaanlei sml. 6:00 ah kiangkap thianhlimhnak kan tuah khawh. Byohahmu Colonel Aung Kyaw Soe nih a hruai hna i thantar raang an thlir. Ralkap an zapi 60 hrawng an si,” tiah KNLA ralkap pakhat nih Khit Thit Media ah a chim.
Hi Ceihdung SAC ralkap sakhaan hi atu kum January 27 ah khan KNLA nih doh hram an rak thawk i, nizaan March 14 ah an laak khawh.
Ceihdung SAC ralkap sakhaan laaknak ah KNLA nih SAC ralkap hriamnam za leng in an laak. KNLA lei in ralkap pathum a nunnak a liam ve, tiah theih a si.
