Kayah ram kulh chungah erhkhumh mi chung in COVID-19 hrik ngei le ngei lo checknak tuah mi hna chung in nu pakhat sin ah a voi khatnak bik COVID-19 zawtnak hrik hmuh a si.
Kayah ram chungah COVID-19 zawtnak hrik hmuh hmasa mi nu hi, Yangon in Kayah ramkulh lei ah September 5 in, amah ca lawng hlan mi motor in a rak tlung mi a si i, September 6 ah Loikaw khuapi toll gate pakhat a rak pha. Cuka toll gate incun Loikaw College quarantine (erhkhumhnak hmun) ah an lanhpi colh mi a si, tiah theih a si.
Loikaw ah a voi khatnak bik hmuhmi COVID-19 mizaw nu hi, a thawng ngai ko. A zualhma cu a si lo. Tuhi Loikaw cozah sii-inn pi chung ah amah lawng a dang tein zohkhenh a si, tiah theih a si.
COVID-19 nih Myanmar arak phak cu March 23 ah a si i, cuhlan ahcun Kayah ramkulh hi COVID-19 zawtnak hrik a thiangmi ramkulh ah chiah a rak si. A tuhi Kayah ramkulh nih a voi khatnak bik COVID-19 mizaw an ngeih a si. Ref; Kayah Radio Station News, MRTV
