Karen ramkulh, Kawkareik – Myawaddy Asia lam, KNU zuatkhalhnak hmun pawng ah gate sakhaan tuah in tangka a hal mi council ralhraang hna cu min hngalh lo mi phu nih July 5 zing suimilaam 6 ah an kah hna i ralhraang 3 nak tlawm lo an thi tiah thawng kan theih.
“Kahdohnak hi zing suimilaam 6 in 8:30 tiang a rau. Gate pal man a hal mi ralhraang pawl sniper in an kah hna. Kaphnih kar kahdohnak hi suimilaam 6:00 in 8:30 tiang a rau. Asia lam cung ah ralhraang a thi mi 3 an um,” tiah Kawkareik um PDF thawnghram nih Yangon Khit Thit ah a chim.
A luancia June 30 zong ah cuka gate hngak ralhraang hna cu an rak kah bal hna i ralhraang lei 5 an rak thi.
Source: Khit Thit Media
