Sagaing ramthen, Katha peng ah ralhraang 200 hrawng nih Tatulay, Inngyi le Hlebo khua ah inn 700 deng mei in an khangh tiah khuami nih an chim.
February 11 in 13 tiang SAC ke ralkap Kha Lah Yah- 121 battalion nih an khangh mi a si tiah an chim.
“Tatulay khua in an thawk i ni thum chung pehtlai in an khangh. Phungki sianginn zong an hrawh i sianginn pawl zong an khangh” tiah thawnghram nih a chim.
Inngyi khua ah inn 400 deng, Hlebo khua ah inn 200 leng le Tatulay khua ah inn 80 tluk an khangh i khuami 3,000 leng nih inn le lo an zaam taak. February 13 ah ralhraang pawl an kir cang nain khuami a tam u cu khua chung ah an lut kho rih lo tiah a chim.
Data For Myanmar cazin ning ah cun ralhraang nih uknak a laak hnu in 2023 January 31 tiang ah ralhraang nih Sagaing ramthen ah inn 43,292 an khangh cang.
Ref.RFA Burmese
Photo: CJ (2023 February 12 ah SAC ralhraang nih Inngyi khua an khangh mi hmanthlak)
