Karen ramkulh, Kyarinn Seikkyi peng um Kah Lah Yah 283 battalion Hpaya taung sakhaan cu KNLA le tangti phukomh nih nihin ah an lak i Battalion Commander Changtu (Duh Tatyinhmu) tel in ralhraang 11 an thi, meithal zun 13 an lak tiah KNU thawnghram nih a chim.
“Hpaya taung khua ralhraang sakhaan cu kan lak i meithal zun 13 kan lak chih. Ralhraang lei in second battalion commander le sergeant tel in 11 an thi. Atu hi vanlawng an rak zuang i an i hel len ko” tiah KNLA thawnghram nih a chim.
An lak mi hriamnam chung ah machine gun meithal pawl le MA meithal hna an i tel. Kahdohnak hi suimilaam cheu lawng a rau.
Zing suimilaam 5:30 ah kahdohnak kan thawk i suimilaam 6:00 ah sakhaan ning in kan lak. Hmunhma thianhnak kan tuah i zing suimilaam 10:30 ah an dih tiah kan theih.
Hi sakhaan hi mizapi sin ah hramhram in tangka hal, lam aa chawklet mi tlaih i hrem, Hpaya taung sakhaan ah rammi kha a phunphun in an thitphaih hna ca ah kan hrawh kan laknak a si tiah thawnghram nih a chim.
KNU brigade 6, Kyarinnseikyi peng Azin khua um ralhraang sakhaan zong nizan zaanlei sang ah KNLA nih an lak tiah tualchung thawnghram sin in kan theih.
Source: Khit Thit Media
#####
