Vawlei minthang mirum pa Elon Musk ta a si mi Star Link internet cu Karenni (Kayah) ramkulh ah an hman khawh cang tiah kahdohnak chung ralzaam bawmchantu le Free Burma Ranger bu a dirhtu David Eubank nih Twitter ah a tial.
Cu bantuk in hman khawh nakding ah bawmnak petu Elon Musk cung ah David Eubank nih lunglawmhnak bia a chim i Pathian nih thluachuah pe ko seh ti zong video file ah a chim.
Kum 73 chung ram chung raal a tho mi Myanmar ram ah ralkap nih uknak hramhram in an laak ruang ah Karenni ramkulh chung ah ralzaam sing thum an um cang tiah a chim. Cu ralzaam pawl sinah atu keimah zong ka um ve ti zong a chim.
Karenni ramkulh bantuk in SAC nih internet a phihnak Sagaing ramthen, Magwe ramthen le Chinram zong ah Star Link internet hman khawh nakding halnak zong a um.
