Karenni ralkap phu komh nih an kah i a tla mi SAC raltuknak vanlawng kan hmuh cang tiah NUG Runvennak Minister Zung nih tu zanlei ah a thanh.
Nizan November 11 ah Karenni ralkap phukomh nih an tuah mi “Operation 1111” ah SAC camp pasarih an laak khawh i, raltuaknak vanlawng pakhat zong an thlak khawh tiah theih a si.
SAC vanlawng a tla mi cu Karen ramkulh, Tantaunggyi peng, Kha Mar Di Hpo Li le Mar Yaw Hpo Li khuate kar lo thlaam pawng ah hmun a si cang tiah NUG Runvennak Minister Zung nih hmanthlak he a langhter.
SAC Raltuknak vanlawng cu Karenni ralkap KNDF B-1 le KA nih an kah i vanlawng mawngtu pahnih cu parachute in an zuang. An zuannak parachute, raltuknak vanlawng thilri cheukhat le an nehnang cu hmun a si cang. SAC pilot pahnih belte cu hmuh an si rih lo i rammi ralkap nih siseh, SAC lei nih siseh an kawl cuahmah hna tiah theih a si.
Photo: NUG-MOD (Karenni ralkap nih an thlak mi SAC vanlawng)
