Karenni ramkulh, Thanlwin tiva Nichuah lei ah a um mi SAC ralkap battalion-135 hmai suang sakhan cu Karenni Commando ralkap pawl nih an laak hnu ah ralhraang ruak pathum le hriamnam tampi an laak tiah Karenni Ralkap lei Thawngthanhnak Phu (KMIC) nih nihin ah an thanh.
Nihin March 16 zaanlei 5:00 in 6:00 kar ah Karenni Commando hna nih Thanlwin tiva Nichuah lei ah a um mi Kha-La-Yah 135 hmai suang sakhan pakhat an laak mi a si. Cu sakhan chung ah cun SAC ralkap ruak pathum, hriamnam zun ruk, kuanzen tampi le pehtlaihnak seh ngan pakhat an laak khawh. A taang mi SAC ralkap cheukhat cu an zaam tiah theih a si.
SAC ralhraang pawl nih February 26 thawk in Karenni ramkulh ah thapi chuah in raltuknak faakpi an tuah ca ah kahdohnak a faak tiah theih a si.
(Hmanthlak: SAC ralhraang 135 battalion hmai suang sakhan ah Karenni Commando pawl nih an laak mi hriamnam pawl. Photo: KMIC)
